Coronafeirws (COVID-19)

Ar y dudalen hon

Cyflwyniad
Profi
Covid hir

Cyflwyniad

Rydym wedi dysgu cymaint yn ystod y pandemig. Gwnaeth pob un ohonom newidiadau i'r ffordd rydym yn gweithio, yn byw ac yn cymdeithasu, a hynny er mwyn amddiffyn ein gilydd a chadw Cymru yn ddiogel. Gellir defnyddio'r newidiadau hyn nid yn unig i'n hamddiffyn rhag tonnau o’r coronafeirws i ddod yn y dyfodol, ond rhag heintiau eraill fel y ffliw a’r norofeirws.

Os gwnawn ni i gyd barhau i ddilyn y patrymau ymddygiad canlynol i’n hamddiffyn, gallwn barhau i gadw’n gilydd a Chymru yn ddiogel:

cael ein brechu
sicrhau hylendid dwylo da
arhoswch gartref os ydym yn sâl ac osgoi dod i gysylltiad â phobl eraill
gwisgo gorchudd wyneb mewn mannau prysur dan do neu fannau caeedig, gan gynnwys lleoliadau iechyd a gofal
cwrdd ag eraill yn yr awyr agored
pan fyddwn dan do, cynyddu’r awyru a gadael awyr iach i mewn os yw’n bosibl

Mae gwybodaeth cyffredinol pellach ar gwefan Llywodraeth Cymru.

Canllawiau i bobl sydd â symptomau haint anadlol, gan gynnwys COVID-19.

Profi

Cael prawf i ddarganfod a oes gennych coronafeirws.

Y Gwasanaeth Profion Llif Unffordd

Mae profion llif unffordd COVID-19 y GIG am ddim ar gael i bobl sy'n wynebu risg uchel o fod yn ddifrifol wael yn sgil COVID-19 ac sy'n gymwys i gael triniaethau gwrthfeirol COVID-19. Mae rhagor o wybodaeth am bwy sy'n gymwys i gael triniaethau gwrthfeirol ar gael ar wefan Triniaethau COVID-19 | LLYW. CYMRU.

Os ydych chi'n gymwys i gael profion llif unffordd COVID-19 y GIG am ddim, gallwch eu casglu yn awr o fferyllfa gymunedol.

Os byddwch chi'n mynd i fferyllfa i gael cyflenwad o brofion llif unffordd, efallai y gofynnir ichi am eich hanes meddygol i gadarnhau eich bod yn gymwys i gael y profion am ddim.

Mae'r gwasanaeth hwn wedi disodli'r gwasanaethau archebu profion llif unffordd cyflym am ddim ar-lein a dros y ffôn a oedd yn cael eu darparu gan GOV.UK a GIG 119.

Os nad ydych chi'n gymwys, ni fydd y fferyllfa yn gallu rhoi profion am ddim ichi.

Gwybodaeth am y Gwasanaeth

Os nad ydych chi'n siŵr a ydych chi'n gymwys, siaradwch â'ch meddyg neu arbenigwr ysbyty a all eich cynghori.

Gallwch hefyd gael rhagor o wybodaeth am y bobl sy'n wynebu'r risg uchaf ac sy'n gymwys i gael triniaeth COVID-19 ar wefan y Sefydliad Cenedlaethol dros Ragoriaeth mewn Iechyd a Gofal (NICE)

Os ydych chi'n gymwys i gael triniaethau COVID-19, dylech gadw profion llif unffordd cyflym gartref y gallwch eu casglu yn awr o fferyllfa gymunedol.

Os byddwch chi'n mynd i fferyllfa i gael cyflenwad o brofion llif unffordd, efallai y gofynnir ichi am eich hanes meddygol i gadarnhau eich bod yn gymwys i gael y profion am ddim. Os oes gennych chi gopi o lythyr neu e-bost a anfonwyd atoch gan y GIG sy'n cadarnhau eich bod yn gymwys i gael triniaeth COVID-19, ewch â hwn gyda chi. Nid yw llythyr neu e-bost yn hanfodol, ond bydd yn helpu'r fferyllfa i gadarnhau yn haws eich bod yn gymwys i gael profion am ddim.

Gall rhywun arall gasglu profion am ddim ar eich rhan, er enghraifft, ffrind, perthynas neu ofalwr.

Bydd angen i unrhyw un sy'n casglu profion am ddim ar eich rhan roi eich manylion i'r fferyllfa, gan gynnwys eich:

enw llawn
cyfeiriad
dyddiad geni
rhif GIG (os yw ar gael)
cyflyrau meddygol i gadarnhau eich bod yn gymwys

Os ydynt ar gael, dylent hefyd rannu unrhyw gopïau o lythyrau neu e-byst a anfonwyd atoch gan y GIG ynglŷn â thriniaethau COVID-19.

Covid hir

Mae’r term COVID hir yn cael ei ddefnyddio i ddisgrifio arwyddion a symptomau sy'n parhau neu'n datblygu ar ôl COVID-19.

Mae'n cynnwys symptomau COVID-19 sy’n parhau (4 i 12 wythnos) a syndrom ôl-COVID 19 (dros 12 wythnos).

Gallai arwyddion a symptomau effeithiau tymor hwy COVID-19 gynnwys:

blinder
diffyg anadl
effaith ar y galon neu effeithiau corfforol neu seicolegol

Mae rhagor o wybodaeth am COVID hir ar gael ar wefan y Sefydliad Cenedlaethol dros Ragoriaeth mewn Iechyd a Gofal (NICE).

Cymorth i bobl sydd â COVID hir

Er mwyn helpu pobl i wella o COVID-19 rydym yn canolbwyntio ar ddarparu gofal a chymorth sydd:

mor agos i'ch cartref â phosibl
yn diwallu eich anghenion penodol

Mae'n debygol y bydd angen dull adsefydlu ar y rhan fwyaf o bobl sydd â COVID hir. Mae gwasanaethau iechyd a gofal yn y gymuned mewn sefyllfa ddelfrydol i ddarparu hyn.

Mewn rhai achosion, efallai y bydd angen i chi fynd i'r ysbyty i gael archwiliad pellach. Os felly, byddwch yn cael eich atgyfeirio gan eich meddyg teulu.

Gan weithio gyda GIG Cymru rydym wedi datblygu Llwybr Cymunedol Cymru Gyfan. Mae'r llwybr yn darparu fframwaith i fyrddau iechyd ddatblygu gwasanaethau i ddiwallu anghenion penodol eu cymunedau.

Cymorth gan eich bwrdd iechyd lleol

Gallwch gael rhagor o wybodaeth am gymorth ar gyfer COVID hir gan eich bwrdd iechyd lleol:

Os oes angen cyngor pellach arnoch, gallwch hefyd gysylltu â'r gwasanaeth 111 coronafeirws ar-lein.

Mae rhagor o wybodaeth am COVID hir hefyd ar gael ar wefan Iechyd Cyhoeddus Cymru ac ar wefan Addysg a Gwella Iechyd Cymru.

Ap gwella o COVID

I'ch helpu i reoli eich symptomau, gallwch hefyd lawrlwytho’r ap gwella o COVID (COVID recovery app).

Datblygwyd yr ap i gefnogi pobl sy'n dal i deimlo amrywiaeth o broblemau cardiaidd, niwrolegol a seicolegol ar ôl cael COVID-19.

Efallai y bydd eich gweithiwr iechyd proffesiynol yn argymell yr ap i chi fel rhan o'ch cymorth adsefydlu, ond gallwch hefyd ei lawrlwytho'n uniongyrchol o GooglePlay neu Apple ap store.

Mae'r wybodaeth ar y dudalen hon wedi'i haddasu gan GIG Cymru o gynnwys gwreiddiol a ddarparwyd gan

wefan y GIG nhs.uk