Pryd Allwch Gymryd Prawf
Os ydych wedi colli mislif ac wedi cael rhyw heb ddiogelwch yn ddiweddar, efallai eich bod yn feichiog. Mae profion beichiogrwydd yn fwyaf dibynadwy o ddiwrnod cyntaf eich mislif hwyr.
Pryd y gallwch chi wneud prawf beichiogrwydd
Gallwch chi gynnal y mwyafrif o brofion beichiogrwydd o ddiwrnod cyntaf mislif hwyr. Os nad ydych chi'n gwybod pryd mae'ch mislif nesaf yn ddyledus, gwnewch y prawf o leiaf 21 diwrnod ar ôl i chi gael rhyw heb ddiogelwch.
Gellir defnyddio rhai profion beichiogrwydd sensitif iawn hyd yn oed cyn i chi colli mislif, mor gynnar ag 8 diwrnod ar ôl beichiogi.
Gallwch chi wneud prawf beichiogrwydd ar sampl o wrin a gasglwyd ar unrhyw adeg o'r dydd. Nid oes rhaid iddo fod yn y bore.
Lle gallwch chi gael prawf beichiogrwydd
Gallwch brynu citiau profi beichiogrwydd gan fferyllwyr a rhai archfarchnadoedd. Gallant roi canlyniad cyflym a gallwch wneud y prawf yn breifat.
Mae'r lleoedd canlynol yn darparu profion beichiogrwydd am ddim:
Efallai y byddwch hefyd yn gallu cael prawf beichiogrwydd yn rhad ac am ddim gan eich meddyg teulu.
Gallwch hefyd brynu citiau profi beichiogrwydd gan fferyllwyr a rhai archfarchnadoedd. Gallant roi canlyniad cyflym, a gallwch wneud y prawf yn breifat.
Sut mae prawf beichiogrwydd yn gweithio?
Mae pob prawf beichiogrwydd yn canfod yr hormon gonadotroffin corionig dynol (hCG), sy'n dechrau cael ei gynhyrchu tua 6 diwrnod ar ôl ffrwythloni.
Daw mwyafrif y profion beichiogrwydd mewn blwch sy'n cynnwys 1 neu 2 ffon hir. Rydych chi'n piso ar y ffon ac mae'r canlyniad yn ymddangos ar y ffon ar ôl ychydig funudau. Mae pob prawf ychydig yn wahanol, felly gwiriwch y cyfarwyddiadau bob amser.
A fydd prawf beichiogrwydd yn gweithio os ydw i ar y bilsen?
Ie.
Mae rhai dulliau atal cenhedlu, fel y bilsen atal cenhedlu, yn cynnwys hormonau, ond ni fydd yr hormonau hyn yn atal prawf beichiogrwydd rhag gweithio.
Nid oes unrhyw ddull atal cenhedlu yn gwbl effeithiol, felly mae'n bwysig cymryd prawf beichiogrwydd os ydych chi'n meddwl y gallech fod yn feichiog.
Canlyniadau'r prawf
Mae profion beichiogrwydd cartref yn gywir cyn belled â'ch bod yn dilyn y cyfarwyddiadau yn gywir.
Mae canlyniad prawf positif bron yn sicr yn gywir. Fodd bynnag, mae canlyniad prawf negyddol yn llai dibynadwy.
Efallai na fydd y canlyniad yn ddibynadwy os ydych:
- ddim yn dilyn y cyfarwyddiadau yn iawn
- yn cymryd y prawf yn rhy gynnar
Gall rhai meddyginiaethau hefyd effeithio ar y canlyniadau.
Os ydych chi'n cael canlyniad negyddol ac yn dal i feddwl eich bod chi'n feichiog, arhoswch ychydig ddyddiau a rhoi cynnig arall arni. Siaradwch â'ch meddyg teulu os cewch ganlyniad negyddol ar ôl ail brawf ond nid yw'ch mislif wedi cyrraedd.
Parhau â'r beichiogrwydd
Os ydych yn feichiog ac yn dymuno parhau â'ch beichiogrwydd, cysylltwch â'ch meddyg teulu neu fydwraig i ddechrau eich gofal cyn-enedigol. Gallwch ddefnyddio'r gyfrifiannell dyddiad beichiogrwydd i ddod o hyd i bryd bydd eich babi yn cael ei eni.
Os nad ydych yn sicr am fod yn feichiog
Os nad ydych yn siwr am barhau â'r beichiogrwydd, gallwch drafod hyn yn gyfrinachol gyda gweithiwr gofal proffesiynol. Eich opsiynau yw:
- parhau â'r beichiogrwydd a chadw'r babi
- cael erthyliad
- parhau â'r beichiogrwydd a rhoi'r babi i'w gael ei fabwysiadu
Yn ogystal â meddyg teulu neu nyrs yn eich meddygfa, gallwch hefyd gael gwybodaeth gywir, gyfrinachol o'r canlynol (hyd yn oed os ydych chi o dan 16 oed):
Mae'r holl wasanaethau yma, gan gynnwys y clinigau cymunedol atal cenhedlu, yn gyfrinachol. Os ydych o dan 16 oed, ni fydd y staff yn dweud wrth eich rhieni. Byddant yn eich annog i siarad â'ch rhieni, ond ni fyddant yn eich gorfodi.
Os ydych o dan 25 oed ac mae'n well gennych gael cyngor sydd wedi'i anelu'n benodol at bobl ifanc, mae elusen iechyd rhywiol Brook yn darparu ystod o wasanaethau ar gyfer pobl ifanc. Mae gwefan Brook yn cynnwys gwybodaeth am ddewisiadau beichiogrwydd. Fe fedrwch chi gysylltu trwy e-bost hefyd ar eu gwefan: Ask Brook
Gallwch ddod o hyd i ragor o wybodaeth am feichiogrwydd yn y 'Llyfr Eich Beichiogrwydd a’r Enedigaeth’.
Last Updated: 25/07/2023 07:46:22
The information on this page has been adapted by NHS Wales from original content supplied by
NHS website
nhs.uk