Lleoliad y babi yn y groth
Ffolennol neu gyflwyniad ardraws
Yn ystod beichiogrwydd, mae babanod yn aml yn troi a throi. Erbyn yr amser bydd esgor yn dechrau, fodd bynnag, mae'r rhan fwyaf o fabanod yn ymdopi osgo sydd yn caniatáu iddynt gael eu geni pen yn gyntaf trwy'r sianel eni. Nid yw hynny bob amser yn digwydd.
Gall baban fod mewn amryw sefyllfa posibl ar ddiwedd y beichiogrwydd, gwelir isod am sut y gall hyn effeithio ar yr enedigaeth:
- sefyllfa arferol (pen i lawr)
- traed cyntaf (ffolennol)
- gorwedd i'r ochr (safle ardraws)
Os yw eich baban yn gorwedd traed yn gyntaf gyda'i ben ôl i lawr, mae mewn sefyllfa ffolennol. Mae hyn yn gwneud eich gofal yn fwy cymhleth. Bydd eich obstetrydd a bydwraig yn trafod y ffurf orau a diogelaf o ofal gyda chi. Cewch eich cynghori i eni eich baban yn yr ysbyty.
Troi baban ffolennol
Fel arfer cewch gynnig yr opsiwn o droad seffalig allanol ((external cephalic version) (ECV)). Dyma pryd fydd obstetrydd yn ceisio troi'r baban yn ben i lawr (seffalig) drwy roi pwysau ar eich abdomen. Mae'n weithdrefn ddiogel er y gall fod ychydig yn anghyfforddus. Mae tua 50% o fabanod yn cael eu troi gan ddefnyddio ECV, ac o'r rheiny, mae'r mwyafrif yn aros pen i lawr, sy'n eich galluogi i gael genedigaeth arferol.
Geni baban ffolennol
Os nad yw ECV yn gweithio, bydd angen i chi drafod y dewisiadau gyda'ch bydwraig ac obstetregydd. Er y gall babanod gael eu geni yn ffolennol, mae'n debyg y byddwch yn cael eich cynnig toriad caesaraen. Mae hyn y ffordd fwyaf diogel o eni baban ffolennol.
Os ydych yn trefnu toriad cesaraidd ac yna yn dechrau esgor cyn y llawdriniaeth, bydd eich obstetregydd yn asesu a ddylid bwrw ymlaen â geni trwy doriad cesaraidd. Os bydd y baban yn agos at gael ei eni, gall fod yn fwy diogel i chi gael genedigaeth ffolennol drwy'r wain.
Mae gan Goleg Brenhinol Obstetryddion a Gynaecolegwyr (RCOG) rhagor o wybodaeth am:
Mae'r RCOG yn datgan y gallwch gael eich cynghori yn erbyn esgoriad ffolennol trwy'r fagina os bydd:
- traed eich baban yn is na'i ben ôl (a elwir yn 'footling breech')
- eich baban yn fawr (mwy na 3.8kg neu 8.4lb)
- eich baban yn fach (llai na 2kg neu 4.4lb)
- eich babi mewn sefyllfa neilltuol, er enghraifft, os yw ei wddf wedi'i blygu'n ôl
- toriad cesaraidd wedi'i ddefnyddio mewn esgor cynt
- gennych belfis cul (mae llai o le i'r babi basio yn ddiogel trwy'r sianel eni)
- gennych frych sydd yn gorwedd yn isel
- gennych cyn-eclampsia
Baban yn gorwedd i'r ochr (baban ardraws)
Os yw eich baban yn gorwedd i'r ochr ar draws y groth yn hytrach na fertigol dwedir iddo fod yn y sefyllfa ardraws.
Er bod llawer o fabanod yn gorwedd i'r ochr yn gynnar yn ystod beichiogrwydd, bydd y rhan fwyaf wedi symud i mewn i'r safle arferol (pen i lawr) erbyn y tri mis olaf.
Rhoi genedigaeth i faban ardraws
Yn dibynnu ar faint o wythnosau yr ydych pan wneir diagnosis o sefyllfa ardraws, efallai y cewch eich derbyn i'r ysbyty. Mae hyn oherwydd bod risg fach iawn bydd llinyn y bogail yn llithro o'i le ('prolapsing' ) os bydd eich dŵr yn torri. Mae hyn yn argyfwng meddygol lle mae llinyn y bogail yn dod allan o'r groth cyn i'r baban ac mae'n rhaid i'r baban yn cael ei eni yn gyflym iawn.
Weithiau, mae'n bosibl troi'r baban â dwylo i'w gael ei ben i lawr ac efallai y cewch eich cynnig hyn.
Mae'n bron yn amhosibl i faban ardraws gael ei eni yn naturiol. Felly, os bydd eich baban yn dal i fod yn y sefyllfa ardraws pan fyddwch yn cyrraedd at eich dyddiad geni neu erbyn adeg y bydd esgor yn dechrau, byddwch yn cael eich cynghori i gael toriad cesaraidd.
Last Updated: 25/05/2023 10:06:24
The information on this page has been adapted by NHS Wales from original content supplied by
NHS website
nhs.uk